غابت ثمان سنين حل (ن) وترحـال

غابت ثمان سنين حل (ن) وترحـال

غابت ثمـان (ن) كلهـا مدلهمـه



قضيتها بالحـب والشـوق رحـال

شوق (ن) تحدى كل يائـس وهمـه



سألت عنها سنين وشهـور وليـال

ولا فيه فج (ن) غير وجهـت يمـه



وعقب الثمان اللي تعبها برى الحال

جاب الزمـان الكارثـه والمطمـه



جاني ولدها مبتسـم بيـن الأطفـال

ومن بسمته ذكرت أنا بسمـة أمـه



شفته وصاحت داخلي كـل الأمـال

بصوت (ن) عجزت بكتم الأنفاس لمه



وركضت له دمعي عل الخد منهـال

ومن كثر شوقي قمت بالحيل أضمه



ولحضة حضنته والطفل في يدي مال

شميت ريحتها على أطـراف كمـه



واستلهمت نفسي مقاديـر الأهـوال

وتم الضيـاع وأكـدت لـي متمـه



ليت الغياب اللي شغل غربتي طـال

ولا دور العاشق على حـرق دمـه



اليوم بنت الناس فـي بيـت رجـال

حب على غير الشرف لـي مذمـه



مجبور أعود وأشتكي لكـل الأميـال

بنفس (ن) حزينه كائبـه مستهمـه



برجع غريب (ن) سكته بر ورمـال

يمـوت يحيـا يندفـن مـا يهمـه

انت صح لسانك اخوي سلوووم ننتظر المزيد تقبل تحياتي
مشكوووووووووووووووور يسلموووووووووووووووووووووووووووووووووووووووووووووو